Publizitatea, zer da hori?

Ikus dezagun gaian adituek zer dioten...

Kontsumobide, Kontsumoko Euskal Institutua

Azken boladan, Metro geltokietako eskaileretan Supermerkatu kate handi batek bere beherapenen berri ematen du, fijatu al zarete?

Ziur gogoratzen duzuela zein marka den, baietz?

Ba al zenekiten iragarkietan azaltzen diren koloreak ez direla ausaz hautatutakoak izaten?

Kolore bakoitzak esanahi bat du, sentimendu ezberdina transmititzen digu...

Eta musikak? eta agertzen diren pertsonaiek?

Informazio gehiago izan dezazuen esteka batzuk uzten dizkizuet, eman begirada bat eta komentatuko dugu gelan...

Publizitate - Testuak: www.hiru.eus 

Kontsumobide : Publizitatearen gida 

Wikipedia: Publizitatea 

Consumopolis 

Esamoldeak

20. KORRIKA (BatZuk) ZIRKORRIKA ABESTIA

MOTORRAK BEROTZEN HASTEKO... 

KORRIKA BADATOR!!!!

Esamoldeak

Aro modernoa: Karlos I.a, Filipe II.a, XVII.mendeko gainbehera...

Errege erregina katolikoak hiltzerakoan nork hartu zuen Gaztela-Aragoiko tronua?

Bere bilobak, Karlos I.ak

Norekin ezkondu zen errege erregina katolikoen alaba?

Lehenik eta behin, nor zen alaba?? Juana , Gaztela eta Aragoiko Joana anderea, Joana Eroa bezala ezaguna.

Norekin ezkondu zen? Feliperekin

Nor zen Karlos I.a? 

Karlos I.a Germaniako Erromatar Inperio Santuko enperadore ere izan zen, eta Karlos V.a izena hartu zuen horretarako.

Informazio gehiago 

Ze lurralde eta ze titulu bereganatu zituen bere gurasoak hiltzerakoan?

Gaztelako Koroa

Aragoiko Koroa

Frantzia

Inglaterra

Inperio Santua

Herbeherak

Austria

Milan

Otomandar Inperioa

Ikus 106.orrialdeko mapa

Nor zen Filipe II.a?

Karlos I.aren semea

1556-1598 bitartean Espainiako erregea eta 1580-1598 bitartean Portugalgo erregea izan zen

Informazio gehiago

Zeintzuk lurralde zituen bere menpe Filipe II.ak?

Aurretik Karlos I.ak utzitakoak (oinordekotzan jaso zituen) 

+ Filipinak

+ Inperio Otomandarra

+ Herbeherak

+  Lisboa hartuta, Portugal 

+ Inken, Maien eta Azteken lurrak (Ameriketan)

Ikus 107.orrialdeko mapa

XVII.mendea Krisialdi mendea izan zen, zergatik? azaldu.
- Filipe III.ak, Filipe IV.ak eta Karlos II.ak, haien erregealdietan, hainbat gerra galdu zituzten, ondorioz, botere galerak eta krisi ekonomikoak gainberan murgildu zuten monarkia (108.orr.)
- Hogeita hamar urteko gerra
- Barne gatazka ugari (adib: Kataluniako eta Portugalgo matxinadak)
- Biztanleriaren hazkundea gelditu egin zen.
- Biztanleria pobretu
- Nekazaritzak behera 

109.orrialdean iraku daiteke: " XVII.mendean, Monarkia hispanikoa gainbeheran hasi zen: hainbat lurralde galdu zituen, eta krisi sakon bat eta biztanleriaren pobretzea jasan zituen"

Zein urtetan lortu zuen independentzia Portugalek?
1668.urtean Portugal eta haren inperioa bereizi (ikus 108.orr.)

Aratuste, aratuste!!

Zorionak ikasleok!!!!

Oso giro polita izan genuen ostiralean!! 

Txikiekin, betiko moduan, itzel egon zineten, eskutik helduta, hitz egiten, dantzan...

Esamoldeak

Nola utzi iruzkinak blogetan??

Agian batzuek zailtasunak izango zenituzten Blogeko sarreretan iruzkinak uzteko. 

Hona hemen azalpen errez bat:

1.- Sarrera (mezu) bakoitzaren azpian "iruzkinik ez" edo "iruzkin bat, bi..." jartzen du, ondoan arkatz bat:

2.- Gainean klik egiten baduzue (aurreko irudian gorriz markatuta duzue!), honen moduko koadro bat zabalduko da zuek idatzi ahal izateko:

3.- Guk GOOGLE kontua erabilita egingo ditugu iruzkinak (Gogoratu GOOGLEn Saioa Hasi egin behar duzuela!)

4.- Iruzkina idatzi eta ARGITARATU.

LISTO!! ZUEN IRUZKINAK GUZTIEK IRAKURTZEKO MODUAN EGONGO DIRA BLOGEAN!!!

Errege Erregina katolikoak

Azken egunotan ERREGE-ERREGINA KATOLIKOen inguruan ibili gara: Isabel, Fernando, Kolon... hainbat gauza komentatu ditugu, ezta?

Saiatu gaitezen informazioa argitzen, izen asko izan dira eta ez nahasteko.

Nortzuk ziren Errege-Erregina katolikoak?

Errege-erregina Katolikoak Elisabet I.a Gaztelakoa eta Fernando II.a Aragoikoa ziren. Bien arteko ezkontzarekin (1469an) Iberiar Penintsulako bi erresuma handienak elkartu ziren.

https://eu.wikipedia.org/wiki/Errege-erregina_Katolikoak

Zeintzuk lurralde konkistatu zituzten beren erregealdian?

Euren erregetzan Nafarroako Erresuma, Kanariar Uharteak eta Granadako Erresuma konkistatu zituzten. 

https://assaikastola.wikispaces.com/file/view/Errege+Erregina+Katolikoak2.pdf

Nork eta noiz aurkitu zuen Amerika?

Kolonek, 1492ko urriaren 12an Amerika aurkitu zuen.

Bidaia errege katolikoek finantzatu zuten.

Lehen bidaia 1492ko abuztuaren 3an irten zen Palos de la Fronteratik (Huelva). Hiru karabela irten ziren: Santa María, La Pinta eta La Niña.

Zein zen Kolonen helburua?

Kolonen helburua espeziak eta urrea lortzea zen.

Kolonek bazekien Amerika zela aurkitutakoa?

Kristobal Kolonek uste zuen Asiara iritsi zela  eta uste horrekin utzi zuen mundua, europarrentzat ezezaguna zen kontinente bat aurkitu zuela jakin gabe.

(Gogoratu!!! Kolon Ameriketara iritsi zenererako Amerika dagoeneko oso populatuta zegoen eta Amerikako bertakoek esploratuta zuten lurralde guztia Kolon iritsi zenerako. EZ ZUEN EZER "DESKUBRITU")

Zer ekarri zuten Ameriketatik?

Amerikako bidea ireki zenean, elikagai berri ugari etorri zen Europara: artoa, patata, kakaoa, tabakoa, piperra, kalabaza eta abar.

GURE ABESTIAK: Kaixo (Urtz)

Trikitixa dantzatu nahiko nuke

edozein herritako jaietan

trikitixa dantzatu nahiko nuke

geure begiak topatuz plazan.

Maitemindurik nago eta

zu oraindik ez zara konturatu;

egunez mozkorturik nauzu

eta gau aldean ezin loak hartu.

Zu hor zabiltza dantzan eta

ni hemen hurrun ez dakidalako ...

norbaitek erakutsiko balit!

-Kaixo!

-Kaixo!

-Zelan?

-Ondo, ta zu?

-Beno..

-Zer ba?

-Begira.

-Esan.

-Heldu!

-Bihotza da!

-Bihotza da bai!

Esamoldeak

Ikasteko teknikak: ESKEMAK

Ikasleok, dagoeneko 6.mailan gaude eta gero eta gehiago dira ikasi behar ditugunak.

Ikasi ez du esan nahi dena buruz jakin behar denik... ezta gutxiagorik ere!! Kontzeptuak ulertu, ideia garrantzitsuenak identifikatu, datuak... eta hauek lantzeko teknika ezberdinak daude.

Azken egunotan ESKEMAK egiten ibili gara. Hona hemen eskemei buruzko informazioa: nola egin, motak...

Informazio hau AIXERROTA BHIk editatua da, hemen duzue kontsultarako: 

http://www.psicopedagogia-euskadi.org/attachments/175_ikasteko%20teknikak.pdf

SUGARTXO Albiz eskolara etorri da!!

GURE ABESTIAK: VENDETTA - Udarako Gau Luzeak (F,SyS)

Esamoldeak

UDAZKENA - ENE KANTAK

San Valentin eguneko idazlanak

San Valentin egunaren aitzakiarekin, gure gelako ikasleek maitasun gutunak idatzi dituzte. Hauxe gutun horietako bat:                                       

Sestao, 2017ko otsailak 11

Zuretzat, lehengo aldiz ikusi nuenean liluratuta utzi ninduen neskarentzat:

Nik ez zintudan ezagutzen telebistako programa batean zu ikusi zintudan arte. Orain, nire bihotzaren taupadak azkartzen dira ikusten zaitudan bakoitzean.

Zure begiek itsasoaren kolorea dute eta izarrek bezala distiratzen dute. Zure barreak  alaitasuna transmitzen dit.                                                                       

Zure fisikoa ez ezik oso ausarta eta lehiakorra zarelako ere maite zaitut.

Astero, zeure burua gainditzen duzu. Jo ta ke aritzen zara agindutakoa atera arte. Niri zu bezalako jendea gustatzen zait, ni ere horrelakoa naizelako.

Bizitzan garrantzitsuena barrukoa da eta ez kanpokoa.

Jende askok pentsatzen zuen zu neska ederra baino ez zinela, baina gaur egun erakutsi duzu ez zarela bakarrik hori, oso trebea, ausarta eta langilea zarela.

Laster arte,

A.

❤❤❤❤❤❤

Aro Modernoa III

Aro Modernoa II

Esamoldeak

Aro modernoa 48 segundutan

Non bilatu informazioa?

Orain aste batzuk HIZTEGIei buruzko sarrera bat idatzi nizuen, IKUSI HEMEN

Oraingoan informazioa bilatzeko entziklopediei erreparatuko diet.

Gogoan izan, interneten dagoen informazio guztia ez dela beti erabilgarria, guk gure buruarekin "filtratu" beharko dugu!!

WIKIPEDIA: ezagunenetan ezagunena, ezta?

Wikipediak badu euskarazko bertsioa, beraz, saiatu zaitezte hau erabiltzen:

https://eu.wikipedia.org/wiki/Azala

HIZTEGIA.NET orrialdeak ENTZIKLOPEDIA batzuk biltzen ditu:

http://www.hiztegia.net/entziklopediak.php

Bertan topatuko dituzue, besteak beste, Lur Hiztegi Entziklopedikoa, Harluxet Hiztegi Entziklopedikoa...

Ziur beste hamaika ere egongo direla, batzuk baliagarriagoak, beste batzuk eskasagoak. 

Hasi trebatzen, etorkizunean ere oso ondo etorriko zaizkizuen tresnak dira hauek eta.

Aro Modernoko Pertsonaiak

NORTZUK DIRA ARGAZKIETAN AGERTZEN DIREN GIZON HAUEK?

Zuei, ikasleok, dagokizue hauen inguruko informazioa bilatu eta ikaskideei pertsonaia hauen berri ematea.

Gutxienez honako informazioa bilatu beharko duzue:

- Nor zen? 

- Non jaio/bizi izan zen?

- Zer egin zuen edo zergatik da ezaguna?

Noski, ez dugu hiztegi edo entziklopedia baten "copia" - "pega" nahi, bakoitzak informazioa bilatu, azpimarratu, ulertu eta ZUEN HITZEKIN kontatu beharko diguzue.

Zuen ahozko aurkezpenean argazkiak, musika, aurkezpenak... nahi duzuena erabili dezakezue, dena da ongi etorria!

Esamoldeak

HISTORIA eta HISTORIAURREA

Oraindik batzuek ez dituzue HISTORIA eta HISTORIAURREKO AROAK ondo bereizten, ea irudi hauek lagungarri zaizkizuen:

Ikusi hemen

Charo Lopez irakasleak aurkezpen bat eskegi du sarean, hemen duzue osorik ikusteko aukera, nik diapositiba pare bat hartu dizkiot zuek ikusteko:

GURE ABESTIAK: Aldapan gora (HUNTZA)

Movie Makerekin jolasean: UXUE

Movie Makerekin jolasean: HARITZ

Movie Makerekin jolasean: HODEI

Movie Makerekin jolasean: JONE

Movie Makerekin jolasean: IZARO Z.

Arte Erromanikoa eta Arte Gotikoa

Arte Erromanikoa: XI. eta XII. mendeak

San Martin de Fromista da estilo honen adierazle garrantzitsuenetakoa.

EZAUGARRIAK:

- Lehio txikiak, eliza ilunak
- Ez oso altuak
- Puntu erdiko arkuak
- Dorreak
- Portadak eskulturaz beteta
- Horma lodiak
- Barruko hormak apainduta
- Elizaren atzealdea: absidea



Arte Gotikoa:XIII., XIV. eta XV.mendeak

Notre Dame (Paris) da arte estilo honen adibideetako bat.

Gertuago ere badaukagu beste bat...  

Portugaleteko Santa Maria eliza:

EZAUGARRIAK:

- Arku zorrotzak
- Horma meheak
- Eraikinak oso altuak
- Hormetan lehio asko, beiratez apainduak, eliza argitsuak
- Beirate zirkular handiak (borobil formako lehioak): arrosa lehioak

Movie Maker-ekin jolasean: IBAI

MOVIE MAKER-EKIN JOLASEAN: ANEREN ARGAZKIAK

Movie Maker programarekin lanean: Aner-en proiektua (6.A)

Hauek gara gu!

ANE T. , TAYRA, FALTAN BOTA ZINTUZTEGUN!!

Gure abestiak: Hesian - Behar Zaitut

Nire zilborretik altxatu ditut begiak, gaur konturatu naiz ze min egiten duen egiak
Ispilu faltsu hontatik kendu dut begirada, ez zait batere gustatzen orain ikusten dudana

Nire zilborretik altxatu ditut begiak, gaur konturatu naiz ze min egiten duen egiak
Ispilu faltsu hontatik kendu dut begirada, ez zait batere gustatzen orain ikusten dudana

Ez zen iguala ere barkamena eskatzea, behar dugunaren bila aldiz ezagutzea
Horrekin zerbait lortuko duela jakinez gero, nire zainak moztuko nituzke zure mina baretzeko

TA GAUR, ONDOAN BEHAR ZAITUT BERRIRO, EZ NAIZ NIRE BIZITZAREN JABE
ZAILA, EGITEN ZAIT AURRERA EGITEA, NEGAR BATEAN ERORI GABE

Nire zilborretik altxatu ditut begiak, gaur konturatu naiz ze min egiten duen egiak
Ispilu faltsu hontatik kendu dut begirada, ez zait batere gustatzen orain ikusten dudana

Ez da gezurra izan sentitzen dudan guztia, ezta zugatik emango nuela nire bizia
Jakin ezazu inoz gehiago ez dizut hutsik egingo, ta nire barruan izango zarela betiko

TA GAUR, ONDOAN BEHAR ZAITUT BERRIRO, EZ NAIZ NIRE BIZITZAREN JABE
ZAILA, EGITEN ZAIT AURRERA EGITEA, NEGAR BATEAN ERORI GABE

TA GAUR, ONDOAN BEHAR ZAITUT BERRIRO, EZ NAIZ NIRE BIZITZAREN JABE
ZAILA, EGITEN ZAIT AURRERA EGITEA, NEGAR BATEAN ERORI GABE

http://eu.musikazblai.com/hesian/behar-zaitut/

HIZTEGIA

ZER EGIN HITZ BAT ULERTZEN EZ DUGUNEAN??

Batzutan testu bat irakurtzen ari garenean, hitz bat edo beste ulertzeko zailtasunak ditugu. Egia da testua osotasunean irakurrita sarritan ulertzeko gai garela, baina...

Hitzen esanahia argitu nahian zabiltzatenean, HIZTEGIA erabiltzen duzue, ezta?

Sarean bada HIZTEGI guztiak (edo gehienak!) biltzen dituen webgune bat: www.hiztegia.net

www.hiztegia.net-en hiztegiak motaren arabera banatuta agertzen dira: orokorrak, sinonimoak...

Euskaratik erderara itzultzen duten hiztegiak ondo daude zalantzak argitzeko, baina... hobe definizioa topatzen badugu, ez duzue uste?

Horretarako egokiena ENTZIKLOPEDIAK atalera jotzea izango da.

Hemendik aurrera ez dago aitzakiarik!!! Baliabideak zuen esku dituzue, aprobetxatu!!