Denbora lerroak egiten

Zer da DENBORA LERRO bat?

Denbora-lerroa kronologikoki ordenatutako gertakizunen irudikapen grafikoa da, eta gertakizun horien arteko denbora-erlazioa bistaratzea ahalbidetzen du.

Berritzegune nagusia

Definizio potentea, ezta?

Irakurri dezagun zatika ea hobeto ulertzen dugun:

 "Denbora-lerroa kronologikoki ordenatutako...": kronologikoki ordenatuta egotea, ordenean antolatuta egotea da, ezta? Ez dugu jarriko lehenengo 2015eko gertakari bat, gero 1900ekoa edo gero 1998koa, ezta? orden bat jarritu beharko dugu.

Wikipediak honako txantiloi txiki hau dakar:

"ordenatutako gertakizunen irudikapen grafikoa", ordenean doazen gertakariak (gogoratu gertakatiak mota askotakoak izan daitezkeela, adibidez zuen bizitzaren denbora lerroa egitean; zuen jaiotza, zuen neba arreben jaiotza, eskolara joan zineten lehen eguna...). Irudikapen grafikoa esaten duenean, grafiko mota bati buruz ari da, barra diagrama edo adin piramidea bezala, hau ere, grafiko mota bat da, irudiak erabiltzen ditugu (marra bat), ezta?

Ekigunea

Amaitzeko...

"gertakizun horien arteko denbora-erlazioa" gelan komentatu dugun bezala, gertakarien artean erlazio bat egon behar da, ezin dugu 1900etik 2000.urtera uzten dugun tarte berdina utzi 2000tik 2005era, bestela...

Aprobetxatu koadernoan orri koadrikulatuak dituzuela distantziak zaintzeko.

Pentsatu lehenik eta behin zeintzuk izango diren gertakariak, zein urtetan hasi eta zein urtetan bukatuko den eta horren arabera kalkulatu tarteak.

Fijatu zaitezte, tarte bakoitzari kolore bat ematen zaio, eta irauten duenaren arabera, luzeagoa edo laburragoa izango da.

Horrez gain, tarte osoa hartzen duen aroak direnez, izenak nola kokatzen diren ere ikusteko aukera duzue.

Denbora lerro honetan, gertakari bakoitzarekin batera datak jartzea falta da, baina... beste zenbait gauza ikusi daitezke...

Jarraitu beharreko urratsak:

Ikastola.info

Zalantzak izatekotan, galdetu arazorik gabe!!!

ONDO PASA OPORRAK!!!

Abenduak 21, SANTO TOMAS

Euskal Herriko hainbat herritan ospatzen da Santo Tomas eguna.

Wikipedian begiratuta, honakoa irakur dezakegu: "San Tomas jaia Euskal Herriko hiri eta herri askotan abenduaren 21ean —San Tomas egunez— egiten den baserritarren feria eta jaia da."

Historiari buruz, honakoa dio: Feriak XIX. mendean du jatorria. Baserritar asko maizter bizi ziren euren baserrietan, eta aldiro errenta ordaindu behar zioten nagusi edo jabeari. Errenta ordaintzeko eguna San Martin (azaroaren 11) izaten zen, baina azkenean San Tomas eguneraino luzatzen zen epea. Egun horretan baserritarrak hirira jaisten ziren errenta ordaintzera, eta, bide batez, euren produktuak (barazkiak, kapoiak, oilaskoak...) saldu eta beste batzuk erosten zituzten.


BERRIA egunkariak "Txistorra eta jendetza kaleetan" izenburupean, hemen irakur dezakezuen artikulua publikatu du.

Bilboko azokan 100.000 pertsona inguru espero dituzte gaur BERRIAk dioenaren arabera : 

"Egun handia izaten da, eta horren tamainara egokitzen dira bi hiriburuak. Bilbon, esaterako, 280 postu jarri dituzte Areatzan eta Zazpikaleetan zehar, eta, beste urtebetez, 100.000 pertsona inguru espero dituzte. Azokaren 69. aldia izango da, eta postuak 09:00etan zabaldu dituzte, 22:00 arte."

Donostian aurten "Potxola" izeneko txerria izango da protagonista. Bideoa ikusi eta informazioa irakurtzeko EITBk webgune berezia du, IKUSI.

20. KORRIKA (BatZuk) ABESTIA

Martxoaren 30ean hasiko da Otxandion.
Apirilaren hasieran pasatuko da Sestaotik.

Hasi beharko gara abestia ikasten, ezta????

Marratxoa noiz erabili? (ortografia)

Asteburuan egin behar dituzuen ariketetarako baliagarri izango zaizue informazio hau:

Superpixepolis

Azpidazki

EHU

Kontzeptu Mapak egiteko CMap Tools programa

Kontzeptu-mapa informazioa aurkezteko diagrama bat da, gai baten ikuspuntu zehatza irudikatzeko erabiltzen dena, kontzeptuak erlazionatuak eta hierarkikoki antolatuak agertzen direlarik.

Informazio gehiago, oso interesgarria, WIKIPEDIAn daukazue, egin KLIK HEMEN IKUSTEKO

Guk egun hauetan Cmap Tools erabili dugu,

Sarritan eskuz egiten ditugu, koadernoan edo orrietan, baina ordenagailu bidez egitea ere oso interesgarria da.

Programak aukera mordoa eskaintzen ditu, oinarrizkoetatik hasiko gara eta apurka-apurka etxean trasteatzea duzue.

Hona hemen bideo batzuk, ziur lagungarri izango zaizkizuela:

Gehiago ikusteko egin KLIK HEMEN

Gabonetan irakurtzeko LIBURU GOMENDIOAK

Gabonak gainean ditugu eta oporrak aitzakia ederra izan daitezke apur bat irakurtzeko, ez duzue uste?

Hamaika liburu daude euskaraz zuen adineko gazteentzat, gustuak ere oso ezberdinak izango dituzue seguruenik... baina... nik gomendio batzuk ditut zuentzako, agian baliagarri izango zaizkizue aukeratzerakoan.

1.-

Agatha Mistery Lapurreta Niagarako ur-jauzietan

SIR STEVE STEVENSON

Mezulari

Niagarako ur-jauzietako hotel batean lapurreta egin dute: Ratmusque Kanadako lapur ezagunak opera kantari baten kutxa gotorra ireki du eta izugarrizko balioa duten bitxiak lapurtu ditu.

2.- 

Aberastu naiz azkenean! Arlote metodoa, dirudun bihurtzeko

Eva Santana

Ibaizabal

Gaia: Umorea, hiriko ingurunea. Girotzea: Gaur egun. Laburpena: Oriol dut izena, baina etxean “mukitsu”, “buruhandi”, “aizak!”, “arrautza oskol” eta “zure seme hori” esaten didate. Hori gutxi balitz, sekula ez dut zentimorik izaten. Arlote bat naiz, ez dakit ulertzen nauzuen, baina ez naiz gehiago izango. Nire lagun Lisekin nagoenean, ez dago oztopo gaindiezinik! Nire familia pixka bat eramanerrazagoa izango balitz, zeruan egongo nintzateke! ESKERRAK PLAN BAT BURURATU ZAIDAN…

3.-

Altxorraren uhartea

Robert L. Stevenson

Erein

Mini klasikoak, 4 Jim Hawkins gaztetxoak, ustekabean, altxor ezkutu bat aurkitzeko mapa baten berri jakiten du. Sir John-ekin eta herriko sendagilearekin batera, abentura bizi-bizia izango du, baina pirata beldurgarri batzuei aurre egin beharko die.

4.-

Bukatu dira aitzakiak! Arlote metodoa, etxeko lanak egiteko

Eva Santana

Ibaizabal

Gaia: Umorea, hiriko ingurunea. Girotzea: Gaur egun. Laburpena: Berriz ere zigortuta, Gizarteko etxeko lanak ez egiteagatik! Hau amorrua! Marrazki bizidun bat izango banintz, hodei beltz bat izango nuke buru gainean; begietatik, tximista gorriak aterako litzaizkidake; belarrietatik, txinpartak; eta sudurzuloetatik, sufre koloreko lurruna, denak zur eta lur uzteko modukoa. MUNDUAN EZ DAGO EZ ESKUBIDERIK EZ JUSTIZIARIK! Bukatu dira aitzakiak! Arlote metodoa, etxeko lanak egiteko.

Agian KOMIKIAK nahiago dituzu...

5.-

Asterix Britainian. Bilduma Handia 8

 René Goscinny

6.-

 Xabiroi

 Ikastolen Elkartea

Edo... BELDURREZKO ISTORIOAK...

7.-

 Beldurraren gaztelua (2): Joko arriskutsua

Anna Vivarelli

 Mezulari

EUSKARAZKO PRODUKTUEN KATALOGOAN NOBEDADE GUZTIAK DITUZUE IKUSGAI, BAI LIBURUETAN, MUSIKAN, ALDIZKARIETAN...

http://www.katalogoa.eus/gazteak

MAD SCIENCEko lagunekin ZIENTZIA tailerra Albizen

EUSKARAREN EGUNA 2016

ZORIONAK, IKASLEOK!!! BENETAN GUSTORA EGON GINEN EUSKARAREN EGUNA OSPATZEN!!

Movie Maker programarekin jolasean, Miren

Movie Maker programarekin jolasean, Jon

Movie Maker programarekin jolasean, Markel

Euskaraz bizi nahi dut ~ Esne Beltza

ABENDUAK 3: EUSKARAREN EGUNA

Ba al dakizue noiztik edo zergatik ospatzen dugun EUSKARAREN EGUNA?

Hauxe WIKIPEDIAK dioena:

Euskararen Nazioarteko Eguna abenduaren 3an izaten da, Frantzisko Xabierkoaren egunean. Frantzisko 1552ko abenduaren 3an hil zen, eta, kondairak dioenez, hil aurreko azken hitzak bere ama-hizkuntzan izan ziren, euskaraz.

Azaroko JOKO EGUNeko argazkiak!!

Movie Makerekin jolasean, Gurutzeren bideoa

Abenduko "zubia"n DURANGOKO AZOKA!!: #51DA Durangoko Azoka bizitzekoa DA!

Zuek, ikasleok, joan zarete inoiz Durangoko Azokara?

Abenduaren 2tik 6ra ospatuko da aurten eta bertan hainbat liburu eta diska berri ikusi, entzun, eta ezagutzeko aukera egongo da.

Egunkaria irakurtzen nengoela, hau irakurri dut:

Egunotan piramideekin bueltaka gaudenez, biztanleria gora eta behera...

gero eta ume gutxiago jaiotzen badira, nolakoa izango da BEREZKO HAZKUNDEA? Positiboa (+) edo Negatiboa (-) ??

Hemen albistea zuek irakurri ahal izateko:

http://www.elcorreo.com/bizkaia/sociedad/201611/29/gero-gutxiago-jaiotzen-dira-20161128183018.html

Movie Makerekin jolasean, Adrian Gago!

Gure taldea ezagutzen , Iñigo

Ni Iñigo naiz eta 11 urte ditut.

Sestao River taldean jokatzen dut, 11 zenbakia daukat kamisetan.

Anai bat daukat Gabriel deitzen dena.

Oso majua naiz nire ustez, ile marroia daukat, begi marroiak eta argala eta altua naiz, horrelakoa naiz ni.

Mobie Makerekin jolasean , gaur ANE T.

Asteburuan trebatzeko... ADIN PIRAMIDEAK!

ZENBAKIAK IKUSTEKO ZAILTASUNAK BADITUZUE, HEMEN ESTEKA:

http://www.slideshare.net/ibongereka/biztanleri-piramidea-nola-egin 

(AZKEN DIAPOSTIBAN DAGO TAULA!!)

A25; Emakumeen aurkako Indarkeria desagerrarazteko Nazioarteko Eguna

Emakumeen aurkako Indarkeria desagerrarazteko Nazioarteko Eguna urtero azaroaren 25ean ospatzen den nazioarteko eguna da. 

Nik informazioa jaso beharrean, zergatik ez dugu denon artean sarrera hau osatzen? Zer deritzozue? 

Biztanleria Piramidea II, Zer da?, eta... nola egiten da?

Dagoeneko badakigu zer den biztanleria piramidea, ezta?

Definizioa behin eta berriz irakurri eta AZALDU dugu.

Ibon Gereka deitzen den irakasle batek interneten Piramidea egiteko urratsak era argian jaso ditu:

Nik, irudi batzuk eskegiko dizkizuet, baina osorik ikusi nahi baduzue, hauxe da esteka:

http://www.slideshare.net/ibongereka/biztanleri-piramidea-nola-egin

Albisteak idazten: EREDUAK

Lau zauritu Bizkaiko errepideetan 

Goiz arazotsua gertatzen ari da gaurkoa Bizkaiko errepideetan, neurri handi batean, euria eta eguraldi eskasa direla tarteko. Hala, hiru istripu izan dira, eta lau pertsona zauritu dira. Gainera, ezbehar horien ondorioz, auto pilaketak gertatu dira. 

Goizeko zazpiak baino zertxobait lehenago gertatu da aurrenekoa, N-634 errepidean, Zornotza parean: Seat Ibiza batek eta Citroen Xara batek elkar jo dute, parez pare. Auto bakoitzeko bidaiari bana eraman dituzte zaurituta Galdakaoko Ospitalera. Istripu horren ondorioz auto ilara luzeak sortu dira; N-634an ez ezik, A-8 autopistan —Zornotzan sarrera eta irteera du— izan du eragina. Zortziak eta hamar aldera, beste bi ezbehar gertatu dira. Berriro ere Zornotzan gertatu da horietako bat: sei autok egin dute talka, baina ez da inor zauritu. Arrigorriagan, ordea, lau autok jo dute elkar, eta bi pertsona erietxera eraman behar izan dituzte. 

Berria, 2005-11-25 

------------------------------------------------------------

Ekitaldi asko egingo dira andrazkoek pairatzen duten indarkeriaren aurka 

Emakumeen Aurkako Indarkeriaren Kontrako Nazioarteko Egunaren harira ekimen eta ekitaldi asko egingo dira gaur Euskal Herri osoan. Horien artean nagusiak Emakumeen Mundu Martxako Euskal Herriko Plataforman biltzen diren eragileek antolatu dituzte. Halaber, herri eta eskualdeetako emakume elkarteek zein erakundeek bultzatutakoak egingo dira han eta hemen. Urtea hasi zenetik bederatzi emakume hil dituzte Euskal Herrian; estatistiken arabera, Hego Euskal Herrian 15.000 emakume inguruk tratu txarrak jasaten dituzte, eta NBEk atzo emandako datuen arabera, 18 segundoro gertatzen da andrazkoen aurkako indarkeria kasu bat munduan. Genero indarkeriaren aurkako egunaren harian, honako manifestazioak egingo dira Emakumeen Mundu Martxako eragileek antolatuta: Bilbon: 20:00etan, Arriagan. Baionan: 12:00etan, Herriko Etxean. Donostian: 19:30ean, Bulebarrean. Gasteizen: 20:30ean, Andra Mari Zuriaren Plazan. Iruñean: 20:30ean, Gaztelu Plazan. 

Berria, 2005-11-25

Nafarroan argitaratutako materiala da hau, webgune honetatik hartua:

http://irati.educacion.navarra.es/creibzw/baliabideak/dbh/literatur_sorkun/kazetaritza_artx/03_lantalan.pdf

Biztanleria Piramidea

Hauxe da WIKIPEDIAk Adin Piramideari buruz dakarrena:

Populazio piramidea  eskualde bateko biztanleriaren adin banaketa, sexuaren arabera, erakusten duen datu diagrama da

https://eu.wikipedia.org/wiki/Biztanleria-piramide

Guk egunotan landuko dugu Adin Piramidea nola egin eta labur bada ere, nola interpretatu.

Hauxe Euskadiko Piramidea (2010.urtea)

Zorionak ANE T.

Mila kilo ZORION zuretzako eta mila mila esker gure oparitxoagatik!!!

Azaroak 20, Haurren eskubideen Nazioarteko eguna

Gaur, azaroak 20, haurren eskubideen nazioarteko eguna ospatzen da.

1959ko azaroaren 20an Nazio Batuen Erakundearen Batzar Nagusiak haurren eskubide unibertsalak finkatu zituen. Bere 54 artikuluek haur guztien eskubide ekonomiko, sozial, kultural, zibil eta politikoak biltzen dituzte. Bere aplikazioa Gobernuen betebeharra da, baina beste agente batzuen betebehar eta erantzukizunak ere definitzen ditu, hala nola, guraso, irakasle, osasun arloko profesional, ikerlari eta haurrenak berenak.

Hitzarmenak argi eta garbi onartzen du (18 urtetik beherako) haurrek bizitza maila egokia izateko eskubidea dutela. Eta hitzarmen hau juridikoki loteslea da, edo bestela esanda, nahitaez bete beharrekoa da. Tamalez, mundu guztian ez, Somalian eta EEBBetan izan ezik, haiek ez baitzuten hizarmena sinatu.

Zer uste duzue? 

Munduko haur guztiek eskubide berberak al dituzte?

Zuen ekarpenak, zuen komentario eta iritziak ondo etorriak izango dira, beti bezala!!

Gure taldea ezagutzen! Adrian

Ni Adrián naiz, hamaika urteko mutil alaia eta jatorra. Sestaon bizi naiz, Albiz eskolaren ondoan. Ile marroia eta motza daukat. Begiak, berdeak marroiarekin nahastuta dauzkat. Argala eta altua naiz.

    Albiz eskolara joaten naiz, eta, bertan, lagun pila bat dauzkat. Nire gelako lagunik onena Jon Peña da, mutil oso jatorra eta dibertigarria.

    Bateria eta bibolina jotzen ditut. Gainera, tenisean jolasten dut, eta antzerkia egiten dut larunbatero.

    Dantzatzea eta eskulanak egitea izugarri gustatzen zait. Nire janaririk gogokoena pizza da eta nire musika motarik gogokoena pop-a da.

    Oheratu baino lehen, izugarri gustatzen zait irakurtzea, lasaitzen nauelako.

    Heldua naizenean, artista izatea gustatuko litzaidake.

Gizarte: Biztanleria, Biztanleria Dentsitatea

Gogoan izan jaiotzen diren eta hiltzen diren pertsonen arteko aldeak lurralde bateko BEREZKO HAZKUNDEA positiboa edo negatiboa den adierazten digula.

Biztanleria kontzeptuarekin batera BIZTANLERIAREN DENTISTATEA kalkulatzen ere ikasi dugu.

Zergatik ez zarete saiatzen ariketa txiki hau egiten??

Informazio hau ZUBIA argitaletxeak publikatutakoa da eta KUETO eskolak igo du sarera.

Gizarte: Biztanleria, gehiago jakiteko

Egun hauetan biztanleriari buruz aritu gara: biztanleriaren piramidea, hazkundea negatiboa edo positiboa dela...

Informazio apur bat gehiago bildu dizuet, nahi duenak ikusteko eta denon artean kontzeptuak argitzeko:

- ZER DA BIZTANLERIA?

Esan genuenez, biztanleriaren inguruko informazioa jasotzeko ERROLDA era ZENTSUAK erabiltzen dira (zerrenda antzekoak non gu guztiak agertzen garen):

Datu horiek guztiak era argian jasotzeko BIZTANLERIA-PIRAMIDEAk erabiltzen dira:

Informazio guztia BERRITZEGUNE NAGUSIAk publikatutako txosten honetatik atera dut:

http://nagusia.berritzeguneak.net/gaitasun/docs/competencias/lenguaspymes/LH/biztanleria.pdf

Google DRIVE erabiltzeko gida arina

Arin-arin komentatuko ditugu Google Drive erabiltzeko pausu batzuk. Ziur nago ordenagailu arrean jartzen zaretenean gehienek ez duzuela arazorik izango, baina... galduta zabiltzatenentzat, hementxe urrats batzuk.

Lehenik era behin, zuen ALBIZeko kontua gogoratu behar duzue: .........@albizip.eu, ezta?

Behin GOOGLEn sartuta, DRIVE bilatu behar duzue.

Behin barruan, Karpeta berria sortu nahi dugu, beraz, BERRIA, KARPETA.

Izen bat jarri beharko diozue, hoberena EUSK_IZENA (zuen izena!!) jartzea da.

Zuen ordenagailuan dagoeneko egin duzuen dokumentu edo bestelakoa (gogoratu! irudiak, abestiak, dokumentuak... edozer igo daiteke DRIVE kontura!!) igotzeko, KARGATU FITXATEGIA

Karpeta nirekin (edo zuen lagunekin, familiarekin...) partekatzeko, eskumako botoia sakatu eta PARTEKATU egin beharko duzue

Norekin partekatu nahi duzuen jarri beharko duzue, alegia, jasoko duen horren helbidea.

ADI!! Zuek aukeratu jasoko duenak bakarrik ikusiko duen edo editatu dezakeen... aukera ezberdinak dituzue.

Sarean badira hainbat tutorial, gehiago jakin nahi baduzue, bilatu, ikusi, galdetu...!!

https://www.youtube.com/watch?v=bZaqBGgNLrQ&list=PLHRDmHOm6_OfvW8SB9vgF9NykZ3evVlge&index=16

http://e-forma.kzgunea.eus/mod/book/tool/print/index.php?id=3193#ch4732